Abantu 98 bafatiwe mw’isakwa ryakozwe n’igiporisi mu bigo vya Kaminuza ku Mutanga

Yanditswe na Egide NDUWIMANA
Kuya 19 Myandagaro 2017 saa 11:40
Yasomwe : 16488
0 0

Abanyeshure ba Kaminuza y’Uburundi bo mu kigo co ku Mutanga mu gisagara ca Bujumbura bazindutse bugarijwe n’abaporisi isinzi. Muri ico kigo ntawasohoka canke yinjire.

Nk’uko twabibwiwe na bamwe mu banyeshure bo muri ico kigo, abo baporisi bari baje gusaka, hamwe n’ukurondera aboba baba muri ico kigo batabifitiye uburenganzira.

Ico gikorwa catanguye nk’igihe c’isaha cumi n’imwe y’agatondo, nk’uko abo banyeshure babandanije babishikiriza.

Mu giporisi c’Uburundi bavuga ko abo bantu 98 bafashwe bagizwe n’abanyeshure 78 ba Kaminuza y’Uburundi badafise uburenganzira bw’ukuba muri ico kigo co ku Mutanga, abanyeshure 15 bo mu zindi Kaminuza ariko bahora barara muri ico kigo, abashitsi 4 b’abo banyeshure, hamwe n’umunyeshure umwe yafatanwe urumogi.

Umuvugizi w’igiporisi c’Uburundi, Petero NKURIKIYE amenyesha ko abo bafashwe bose bajanwe muri BSR.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha