Abarundi bahungiye muri Tanzaniya basabwe ko botahuka

Yanditswe na Vianney BIKORIMANA
Kuya 20 Mukakaro 2017 saa 05:54
Yasomwe : 35298
1 0

Mu rugendo umukuru w’igihugu Petero NKURUNZIZA yagize mu gihugu ca Tanzaniya kuri uwu wa kane, yasavye abarundi bahungiye muri ico gihugu ko bohunguka bakaza gufasha kwubaka Uburundi.

Mw’ijambo yashikirije i Ngara mu gihugu ca Tanzaniya, Petero NKURUNZIZA yamenyesheje ko mu Burundi hari amahoro, ahamagarira abarundi bari mu makambi y’impunzi gusubira mu gihugu cabo kugira baterere agacumu k’ubumwe mu kwubaka igihugu c’Uburundi.

JPEG - 38.8 ko
Umukuru w’igihugu Petero NKURUNZIZA

Umushikiranganji w’intwaro yo hagati mu gihugu ca Tanzaniya Mchemba MWIGULU yamenyesheje ko Tanzaniya yakiye impunzi z’abarundi kuva kera kandi ko mu myaka ya 2006 na 2007 abarundi barenga ibihumbi 160 baronkejwe ubwenegihugu bwa Tanzaniya.

Mchemba MWILURU yavuze ko kuva mu mwaka wa 2015 Tanzaniya yakiye impunzi z’abarundi, abakiri muri ico gihugu bakaba bagera ku bihumbi 247, kuko hari abagera ku bihumbi 150 bamaze gutahuka, akavuga ko hari n’abandi ibihumbi bitanu bamaze kwiyandikisha kugira batahukanwe.

Mwomenya ko urwo rugendo ari urwa mbere umukuru w’igihugu Petero NKURUNZIZA akoze hanze y’igihugu kuva mu mwaka wa 2015 aho haba igeragezwa ryo gutembagaza ubutegetsi bwiwe mu gihe yari mu gihugu ca Tanzaniya nyene.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha