Abo mu murwi wa Fizzo bamirira kure ivyo Ikoh ibarega

Yanditswe na Cherif NKESHIMANA
Kuya 31 Myandagaro 2017 saa 05:47
Yasomwe : 8244
0 0

Inyuma y’aho muri Ikoh bidoze ko akajambo "Itakuwa ngumu" ka Fizzo yakoresheje muri "Konzi" gafise amamuko muri Ikoh, abajejwe gutanga amakuru kwa Fizzo bavyamirira kure bati : "Iryo ni ijambo ry’igiswahili rishobora kuvugwa n’uwariwe wese".

Ininahazwe Raissa ari mu batanga amakuru murwi wa Fizzo yamirira kure ivyo uburongozi bwa Ikoh Multiservice bubarega. Raissa avuga ati : "Ururirimbo "Konzi" rugira rukwize amezi abiri ruriko ruravuzwa hirya no hino, ubu siho bovuga ko ako kajambo ari ak’iwabo". Uwo nyene avuga ko muri Ikoh boba bafise iyindi ntumbero.

Ikindi Raissa amenyesha n’uko ururirimbo "Konzi" rwakunzwe cane, ari naco gituma muri Ikoh barondera kwiyitirira ijambo "itakuwa ngumu" kugira ururirimbo rwabo narwo ruze rukundwe.

JPEG - 38.3 ko
Ininahazwe Raissa ari mu batanga amakuru murwi wa Fizzo

Tubibutse ko ijambo "Itakuwa ngumu" ari umutwe w’ururirimbo rwakozwe na Franck Duniano na Vichou wo muri Peace&Love. Urwo ruririmbo rwoba rwatanguye gukorwa mu kwezi kwa Ntwarante uno mwaka, mu mugambi "U’ll Love Changes Vol2" wa Ikoh.

Aba n’abandi bagendera muri Ikoh Multiservice nabo bakemeza ko ako kajambo kamaze igihe kinini kahavugirwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha