Afrika y’Epfo: Abimba ubutare 955 bari baheze mu binogo barokowe ari bazima

Yanditswe na BUKURU Pacifique
Kuya 2 February 2018 saa 08:36
11580
0 0

Abantu bababa 1000 bimba ubutare mu gihugu ca Afrika y’Epfo, bakuwe mu kinogo bari bahezemwo kumara amasaha 30 kubera umuyagankuba wari wacitse. Bose bakuwe muri ico kinogo ata witavye Imana.

Umwe mu barokotse, yabwiye itororokanirizo ry’amakuru ry’abafaransa AFP ati: «Vyari biteye ubwoba.Hari ubushuhe bwinshi cane.»

Ukwo gucika kw’amatara kwoba kwavuye ku kirere ciriwe kitameze neza gituma abo bakozi begukira ishirahamwe Sibanye Gold de Beatrix,bahura n’iryo sanganya bakaba bamaze umunsi urenga batarava mu binogo., ku mvo z’uko ivyuma bakoresha bitashobora gukora kubera ata muyagankuba.

Umuyagankuba wagiye kugaruka kur’uyu wa gatanu amasaha ya samunani z’ijoro, gutyo abo bakozi babona kurokorwa .

Umuvugizi w’ishirahamwe akaba yabwiye itororokanirizo AFP ko ata numwe yitavye Imana, akavuga ko hari abagize ibibazo vyo guhema neza.

Umwe muri abo bakozi yavuze ko habayemwo ugusamara kw’abarongozi, ko bari gutegekanya uko bakora mu gihe ata muyagankuba uhari.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha