Afrika y’Epfo : Jacob Zuma yumvirijwe n’abacamanza ku bijanye n’igiturire

Yanditswe na MUGISHA Van Naris
Kuya 7 avril 2018 saa 10:23
7875
0 0

Jacob ZUma yahoze arongoye igihugu ca Afrika y’Epfo, yararengutse imbere ya sentare kur’uyu wa gatanu igenekerezo rya 6 Ndamukiza 2018, mu gisagara ca Durban, aho yagirizwa igiturire mu rudandazwa rw’ibirwanisho mu myaka y’1990.

Amakuru dukesha urubiga rw’iradiyo y’abongereza BBC, amenyesha ko Jacob Zuma yumvirijwe n’abacamanza mu mwanya muto, umucamanza aca avuga ko urubanza rwungururijwe kw’igenekerezo rya 8 Ruheshi 2018.

Inyuma yo kwumvirizwa n’abacamanza, Jacob Zuma yavuze ko ataco yagirizwa, amenyesha kandi ko hari abariko barondera agatwe kiwe, bagizwe ahanini n’abatunzi b’abazungu.

Urwo rubanza rwari rwarahagaritswe mu mwaka wa 2009, ruca rusubira kuvyurwa ububasha bwiwe butanguye kugabanuka.

Jacob Zuma yakuwe mu mabanga yo kurongora igihugu mu kwezi kwa kabiri, yagirizwa amagendu, ubunyonyezi hamwe no gushira mu mabanki amahera bitazwi iyo yavuye.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha