Amajambo Double Jay yaririmbiye Miss Annie Bernice NIKUZE yoba yavuye ku mutima vy’ukuri?

Yanditswe na Cherif NKESHIMANA
Kuya 30 Nyakanga 2017 saa 12:14
Yasomwe : 7452
0 0

Ururirimbo "Mpa akanya" rurimwo amajambo aryohera amatwi kandi nkoramuti. Imbere y’uko rusohoka, vyarabonetse ko mu burongozi bwa Ikoh Multiservice nabo bashaka ko rusokana irindi shusho canke insiguro.

Niho rero hagera umunsi w’isabukuru ya Miss Annie Bernice Nikuze, abo muri Miss Burundi baramuteguriye ama "surprises" yanamutekeye kurira kubera umunezero.

Bamwe mubari mu birori vy’iyo sabukuru ntibari bazi ko muri Ikoh naho bafise ubutumwa bashikiriza Miss.

Double ahagatiwe na Michou Miracle yashitse hagati mu bari mu birori, neza na neza imbere ya Miss maze aterera mu gahogo ati : "Je mpa akanya nkubwire ikinteye amaganya, Baby ndagusavye umpe akanya nkubwire uko nkwiyumvira buri mwanya, Umutima wanje urafise vyinshi ushaka kuguha, nukuri ngeze ahatemba erega".

Double Jay aca yegera Miss Annie Bernice NIKUZE, maze amukura hasi barayambirana, amosozi aramurenga. N’uko ururirimbo ruca rutangura kuvuzwa ku mugaragaro kuva uwo munsi.

Muri Ikoh bavuga ko ururirimbo "Mpa akanya" rwari rwateguwe nk’agakemanyi ka Miss Annie, narirya basanzwe bakorana ibitari bike.

Aho muri Ikoh nyene ntibemeza canke ngo bahakane ko umuririmvyi Double Jay atoba afise ikindi cinyegeje inyuma, bisigura ko gashobora kuba kabaye akaryo keza kuri we ko gushikiriza akari ku mutima wiwe.

N’aho Double Jay atavyemeza, inyuma yo gusohora urwo ruririmbo rwiwe ku munsi mukuru wa Miss Burundi 2017, bivugwa ko vyari mu nteguro ikomeye y’uwo muririmvyi yo gushikiriza ikiri ku mutima wiwe. Abarundi barayamaze bati : "Ntakabura imvo".

Umviriza amajambo Double Jay yaririmbiye Miss Burundi 2017


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha