’’Amakomine amwe akoresha amafaranga mu bidateza imbere abanyagihugu’’-NTAHIMPERA

Yanditswe na MUGISHA Van Naris
Kuya 23 janvier 2018 saa 05:07
7035
0 0

Ubushikiranganji bw’intwaro ibereye bumenyesha ko mu mwaka wa 2017 ataho bwigeze bwumva ko hari ikomine itahawe amafaranga imiriyoni 500 azifasha mu migambi y’iterambere. NTAHIMPERA Jean Bosco avugira ubushikiranganji,amenyesha ariko ko hari amakomine amwe akoresha ayo mahera mu migambi idateza imbere abanyagihugu.

Ashikiriza ivyaranguwe n’ubushikiranganji bw’intwaro ibereye mu mwaka wa 2017, umwunganirizi w’umushikiranganji bw’intwaro ibereye akaba n’umuvugizi w’ubwo bushikiranganji kur’uyu wa mbere igenekerezo rya 22 Nzero 2018, yavuze ko mu makomine amwe hari ukudashira imbere cane ikijanye n’icoteza imbere abanyagihugu.

NTAHIMPERA Jean Bosco yamenyesheje ko hari amakomine yitaho gukoresha gusa imiriyoni amajana atanu zitangwa na Reta mu bikorwa vy’iterambere, mu gihe ayandi ava mu makori n’amatagisi akoreshwa mu mishahara y’abakozi.

Umwunganirizi w’umushikiranganji w’intwaro ibereye asigura ko,mu makomine hari ukudaha agaciro ibiteza imbere abanyagihugu, aho usanga hari ibiriko bikorwa ataho bifasha mw’iterambere ry’abanyagihugu.

Nayo mu gihe habaye ubusuma mw’ikoreshwa ry’amafaranga ahabwa amakomine, NTAHIMPERA Jean Bosco avuga ko ubushikiranganji butanga uko bwabonye ikibazo , bugatanga n’intumbero y’uko vyari kugenda.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha