Incamake

Bujumbura : Abanyeshuri ba Kaminuza Lumière bahagaritse ivyigwa

Yanditswe na MUGISHA Van Naris
Kuya 22 mars 2018 saa 11:12
13605
0 0

Abanyeshuri bo kw’ishuri kaminuza ‘’Umuco’’ ‘’Universite Lumière de Bujumbura’’ bahagaritse ivyigwa, kuva mu gatondo ko kur’uyu wa kane igenekerezo rya 22 Ntwarante 2018. Amakuru ava mu banyeshuri, amenyesha ko basohowe mu mashuri na bagenzi babo biga mu gisata cigisha ubuhinga bwo kwubaka, basaba guhabwa impapuro z’umutsindo.

Amakuru ava kw’ishuri Kaminuza Lumière, amenyesha ko mu gatondo abanyeshuri bazindutse baja mu masomero nk’uko vyahora, ariko baca babona bagenzi babo biga mu gisata cigisha ubuhinga bwo kwubaka baje kubasohora.

Abo banyeshuri bo mu gisata cigisha ubuhinga bwo kwubaka,bavuga ko bariko bagaragaza akababaro kabo, kuko bamaze imyaka ine bahejeje ivyigwa ariko n’ubu batararonka impapuro z’umutsindo.

Abanyeshuri twavuganye, bamenyesha ko ikibazo cabo gihagaze ku ngingo y’ubushikiranganji yo kutemerera igisata cigisha ubuhinga bwo kwubaka kuri iyo kaminuza, bwisunze ko ata bikoresho bihari bifasha abanyeshuri, gushira mu ngiro ivyo bize.

Abanyeshuri bemeza ko ikibazo kizwi n’ubuyobozi bwa kaminuza kuva kera, kandi ko ubuyobozi bwagumye bubizeza ko bobandanya kwiga, kuko kizotinda kigatorerwa inyishu mu bushikiranganji, ariko amaso ahera mu nzira.

Twagerageje kurondera ubuyobozi bwa kaminuza Lumière, ariko ntitwashoboye kubaronka, ngo bagire ico bashikirije.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha