Bujumbura:Abari mw’ihayanishwa ry’ibikoresho bidahungabanya ibidukikije bizeye ko rizofasha guhindura inyifato

Yanditswe na MUGISHA Van Naris
Kuya 13 juin 2017 saa 01:15
Yasomwe : 2214
0 0

Abitavye ihayanishwa ry’ibikoresho bikoreshwa bidahungabanije ibidukikije bamenyesha ko bafise icizere ko inyuma y’ihayanishwa ryatunganijwe n’ubushikiranganji bw’ibidukikije,amazi ,amatongo no gutunganya ibisagara abantu bazobona ko hari akamaro ko gukoresha ibikoresho bitonona ibidukikije.

Umunyamabanga nshingwabikorwa w’ishirahamwe Jeunes Volontaires pour l’Environnement (JVE) Alain RUKUNDO yitavye iryo hayanishwa akaba kandi akora imbabura zitonona ibidukikije, yavuze ko umunyagihugu wese yomenya ko gukingira ibidukikije ari igikorwa kituraba twese,kandi ko guhonya ibiti bisa no guhonya uruvyaro.

Alain RUKUNDO ati :« Umwe wese ategerezwa kumenya akamaro k’ibidukikije,kuko abana bazovuka mu myaka iri imbere bashobora kudusanga mu bugararwa. »

Umunyamabanga nshingwabikorwa wa JVE asaba Reta gufasha cane mu gikorwa co guhimiriza abanyagihugu kugira bamenye ko gukingira ibidukikije ari igikorwa c’umuntu wese,hatavuyemwo n’umwe.

Thereza IRANZI nawe yitavye ihayanishwa akorera mu gisata c’ivyambarwa bikozwe mu buhinga butonona ibidukikije yavuze ko iryo hayanishwa rizofasha abarundi batari babizi kumenya ko abarundi nabo bashoboye guhingura ibintu vyiza bikingira ibidukikije.

Thereza IRANZI amenyesha ko afise icizere ko abarundi bazotahura akamaro ko gukoresha ibikoresho vyahinguwe n’abarundi bonyene, kandi batononye aho baba.

Agahanura abarundi bose ko boreka kwonona ibidukikije kuko bifasha igihugun’abarundi.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha