Bujumbura : Igiporisi cahagaritse abantu batatu bagirizwa ubusuma

Yanditswe na MUGISHA Van Naris
Kuya 24 mars 2018 saa 11:31
14490
0 0

Umuvugizi w’ubushikiranganji bw’umutekano, Pierre NKURIKIYE, amenyesha ko abasuma batatu bahagaritswe mw’ijoro ryo kur’uyu wa gatanu igenekerezo rya 23 Ntwarante 2018, mu bice bibiri bitandukanye vy’igisagara ca Bujumbura.

Umuvugizi w’ubushikiranganji bw’umutekano avuga ko uwa mbere yahagaritswe ari HABONIMANA Célestin ava mu ntara ya Kayanza, yahagarikiwe hafi y’igituro kidandaza igitoro Naomi co mu Kinindo.

JPEG - 27.3 ko
HABONIMANA Célestin, yafashwe afise umupanga

Pierre NKURIKIYE avuga ko HABONIMANA Célestin yahagaritswe hafi isaha zitandatu z’ijoro n’igice zo kur’uyu wa gatanu,afise umupanga.

Umuvugizi w’ubushikiranganji bw’umutekano, amenyesha ko abandi bahagaritswe ari abasuma babiri bafatiwe mu Nyabugete, bafise amaradiyo, amamatera, imbugita, n’ibikoreshwa mu gutanga umuyagankuba uvuye ku mishwarara y’izuba.

JPEG - 35.7 ko
Babiri bafashwe bafatiwe mu Nyabugete, bivugwa ko ari abasuma

Pierre NKURIKIYE avugira ubushikiranganji bw’umutekano, amenyesha ko abo basuma babiri, bafatanywe kandi, ibikoresho bakoresho mu kwugurura amazu, imbere y’uko biba ibirimwo.


Kumenyekanisha

1
Niyongere Orivye 9-04-2018 à 19:39

kobafa tanwe itonga n
ugumfugwa umwaka.Umwe.

2
Aristide Noris 26-03-2018 à 15:14

Polisi nikomere kumurego wo gutuza abashaka kurya ivyo batabiriye akuya.Banarabeko muribo atabinyegejemwo kuko nta mwonga ubura isato,iba idahizwe.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha