Musitanteri wa komine Mukike yatanze imihoho

Yanditswe na MUGISHA Van Naris
Kuya 12 Nyakanga 2017 saa 01:32
Yasomwe : 17838
0 0

Musitanteri wa komine Mukike, iri mu ntara ya Bujumbura yandikiye ikete umukuru w’igihugu c’Uburundi Petero NKURUNZIZA amumenyesha ko atanze imihoho mu mabanga yo kurongora iyo komine.

Mw’ikete yanditse kuri uno wa kabiri igenekerezo rya 12 Nyakanga 2017, NGENDAKUMANA Jeremie yahora arongoye komine Mukike amenyesha ko atanze imihoho ku mvo ziwe bwite.

NGENDAKUMANA Jeremie yanditse muri iryo kete ko kubera izo mvo nyene asanze atagishoboye kurangura neza amabanga ya komine yahora aramutswa.

Ivy’uko atanze imihoho mu kurongora komine Mukike, Jeremie NGENDAKUMANA yabimenyeshaje kandi umushikiranganji w’intwaro yo hagati mu gihugu, umuyobozi ajejwe intwaro mu bushikiranganji bw’intwaro yo hagati mu gihugu, Buramatari w’intara ya Bujumbura, umukuru w’umurwi utegura amatora CENI, umukuru w’umurwi utegura amatora mu ntara (CEPI), umukuru n’icegera c’uwurongoye inama mpanuzwajambo ya Komine.

Amakuru ava mu banyeporitike bamwe bamwe amenyesha ko Jeremie NGENDAKUMANA yoba yabigize nko kwitanga, kuko yari afise amakuru ko ashobora kwirukanwa muri ayo mabanga.


Kumenyekanisha

1
Jean Claude 14-09-2017 à 14:32

Niyigire usanga yabonye bikenewe ko bohashira uwundi.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha