Uwutwara Imbonerakure za CNDD FDD mu Carama yafashwe n’igiporisi

Yanditswe na Egide NDUWIMANA
Kuya 3 Munyonyo 2017 saa 12:23
Yasomwe : 33606
0 0

Umukuru w’urwaruka rw’umugambwe CNDD FDD muri karitiye ya Carama, zone Kinama mu gisagara ca Bujumbura yafashwe n’igiporisi. Mu burongozi bw’uwo mugambwe mu gisagara ca Bujumbura baremeza ayo makuru.

NAHIMANA Jean Claude batazira Masop arongoye Imbonerakure mu Carama yafashwe hamwe n’uwundi munywanyi wa CNDD FDD umwe, NYAMBERE Daniel asanzwe ari umunyamabanga wa CNDD FDD aho mu Carama. Uko ari babiri bakaba bagirizwa ko bahohoteye umunyagihugu yariko arataha ari mu muduga, akaba yarakubiswe gushika aho ajanwa mu bitaro.

Nk’uko amakuru dufise abivuga, kandi yemezwa na bamwe mu ndongozi z’umugambwe CNDD FDD mu gisagara ca Bujumbura, uwo muntu yakubiswe atoye ubwenge yaravuze ko yamenye abamukubise, abo babiri bakaba bafashwe n’igiporisi ku mvo z’amatohoza.

Tubamenyeshe ko hari n’abandi banywanyi ba CNDD FDD aho mu Carama bariko bararonderwa n’igiporisi, bagirizwa ko bari mu bakubise uwo muntu.


Kumenyekanisha

1
Busurahende 4-11-2017 à 03:14

Abo bobo nta ngorane, bari ku kazi batumwe n’abategetsi. N’imiryango yabo nitekane. Ni baba barihenze bagakubita iyindi mbonerakure, vyose bazovyitunganiriza. Hagowe abafatwa izuba riva, imiryango yabo igaca itangura ikigandaro.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha