Espagne : Umurwi FC Barcelone watahukanye igikombe c’umwami ku ncuro ya kane wikurikiranya

Yanditswe na MUGISHA Van Naris
Kuya 22 avril 2018 saa 02:42
10635
0 0

Umurwi FC Barcelone wo mu gihugu ca Espagne watwaye igikombe citiriwe umwami muri Espagne, uhejeje gutsinda umurwi Seville ibitsindo bitanu ku busa, mu rukino rwabaye kur’uno wa gatandatu igenekerezo rya 21 Ndamukiza 2018.

Amakuru dukesha ikinyamakuru Eurosport amenyesha ko, kuva urukino rutangura, umurwi FC Barcelone wagumye urusha cane umurwi wa Seville, mbere ku munota wa 14, umukinyi Suarez yinjije igitsindo ca mbere ku mupira yari ahawe na Coutinho.

Ku munota wa 31 w’urukino, Lionel Messi yinjije igitsindo ca kabiri ca FC Barcelone, inyuma y’iminota icenda gusa, Lionel Messi atanga umupira mwiza kwa Suarez, uwo nawe yinjiza igitsindo ca kabiri muri urwo rukino.

Mu gice ca kabiri c’urukino, ku munota wa 52, Adres Iniesta yinjije igitsino ca kane, mu gihe Coutinho yaje kumarira urukino yinjiza igitsindo ca gatanu kuri penariti, ku munota wa 70.

Kibaye igikombe ca mbere umurwi FC Barcelone utahukanye muri uno mwaka, kikaba ica 30 c’umwami uwo murwi utwaye, ku ncuro ya kane wikurikiranya.


Kumenyekanisha

1
Nkurunziza Donatien 24-04-2018 à 13:28

F.C.Barcelona komer abafans turinyum yany,nibind bikombe turacabirindiriy.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha