Evariste NDAYISHIMIYE : "Turashigikiye ivyavuye mu biganiro vyatunganijwe na CNDI"

Yanditswe na MUGISHA Van Naris
Kuya 13 Mukakaro 2017 saa 01:45
Yasomwe : 12465
0 0

Mu mubonano wahuje umukuru w’umugambwe CNDD-FDD n’intumwa idasanzwe y’umunyamabanga mukuru w’ishirahamwe mpuzamakungu ONU Michel KAFANDO, Evariste NDAYISHIMIYE yamenyesheje ko, umugambwe arongoye ushigikiye ivyavuye mu biganiro bihuza abarundi bibera mu gihugu vyatunganijwe n’umurwi CNDI.

Muri uwo mubonano, umukuru w’umugambwe CNDD-FDD Evariste NDAYISHIMIYE na Michel KAFANDO baganiriye ku bijanye n’icokorwa mu ntumbero yo gutegura amatora abaye mu mahoro kandi yitabwe na bose mu mwaka wa 2020.

Amakuru ava mu gisata kijejwe kumenyesha amakuru mu mugambwe CNDD-FDD amenyesha yaba Evariste NDAYISHIMIYE canke Michel KAFANDO bashimye kuba hari amahuriro ahuza abarongoye imigambwe, kuko atuma bahanahana ivyiyumviro ku cigwa bokura mu matora yabaye mu mwaka wa 2015.

JPEG - 61.5 ko
Evariste NDAYISHIMIYE aramukanya na Michel KAFANDO

Umukuru w’umugambwe CNDD-FDD yamenyesheje intumwa idasanzwe y’umunyamabanga mukuru wa ONU Michel KAFANDO ko umugambwe CNDD-FDD ushima utwigoro tw’umuhuza yagenywe n’akarere ka Afrika y’Ubuseruko.

Michel KAFANDO ari mu rugendo mu Burundi, akaba amaze kubonana n’abanyeporitike, n’abari mu mashirahamwe adaharanira ivyicaro vya poritike.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha