Accueil > Inkino > Amahiganwa > FFB : Ubushimwe buhabwa abatsindiye igikobe c’umukuru w’igihugu (...)
FFB : Ubushimwe buhabwa abatsindiye igikobe c’umukuru w’igihugu bwongerejwe
lundi 29 janvier 2018
Amakuru dukesha ishirahamwe ry’umupira w’amaguru mu Burundi, amenyesha ko mu gihe uwutahukanye ikibanza ca mbere yahora aronka imiriyoni zitanu z’amarundi, ubu agiye kuronka imiriyoni indwi n’ibihumbi amajana atanu y’amarundi.
Mu gihe uwutahukanye ikibanza ca kabiri yahora aronka imiriyoni zitatu z’amarundi, ubu azoronka agashimwe k’imiriyoni zitanu z’amarundi, uwuzotahukana ikibanza ca gatatu azohabwa imiriyoni zitatu, akazonganya n’uwuzotahukana ikibanza ca kane.
Bitegekanijwe ko ihiganwa ry’igikombe c’umukuru w’igihugu mu rukino rw’umupira w’amaguru, rizotangura mu kwezi kwa kabiri 2018, imirwi 65 ikaba ariyo izokina iryo higanwa.
MUGISHA Van Naris
