Gitega : Umukuru wa sentare y’iyungururizo yaraye ijoro rya mbere mw’ibohero rikuru rya Mpimba

Yanditswe na MUGISHA Van Naris
Kuya 22 février 2018 saa 10:59
40890
0 0

Umukuru wa sentare y’iyungururizo mu ntara ya Gitega,n’umucamanza muri iyo sentare nyene barahagaritswe bongera bajanwa mw’ibohero rikuru rya Mpimba I Bujumbura, inyuma y’umutaga wo kur’uyu wa gatatu igenekerezo rya 21 Ntwarante 2018.

Amakuru ava mu ntara ya Gitega aho bari basanzwe bakorera, amenyesha ko umukuru wa sentare y’iyungururizo Thomas NTIMPIRANGEZA n’umucamanza Prime HABIYAMBERE , bahagaritswe inyuma yo kwumvirizwa na parike mu ntara ya Gitega.

Amakuru ava muri bamwe mu bakorera mu gisata c’ubucamanza mu ntara ya Gitega, amenyesha ko abo bahagaritswe kubera urubanza boba barashashemwo rw’abagirizwa kugura no kugurisha isima mu yariko ikoreshwa mu kwubaka ikibuga c’intara ya Karusi.

Ayo makuru nyene, amenyesha ko uwundi mukenyezi nawe yashashe muri urwo rubanza, atinjijwe ibohero, kuko afise umwana yonka, akaba yasabwe ko yoza ararenguka yidegemvya.

Umuvugizi wa sentare ntahinyuzwa Agnes BANGIRICENGE aremeza ayo makuru, akamenyesha ko umurwi waduze mu ntara ya Gitega, utarashika mu gisagara ca Bujumbura kugira bamenye icatumye bahagarikwa.

Agnes BANGIRICENGE amenyesha ko aza gutanga umuco bamaze kuvugana n’abagize umurwi wagiye mu ntara ya Gitega.


Kumenyekanisha

1
Busurahende 24-02-2018 à 05:04

Oya ivyo bavuga ni ibinyoma. Bahagaritswe kubera izindi mvo. Umucamanza mukuru yohagarikwa kubera imifuko y’isima atari nawe yayivye canke ngo agure ? Ca mugereranya n’urubanza rwa wa mupolisi kibirengeye yashimuse amamiliyoni y’amadolari ku kibuga c’indege. Muribuka urubanza rwiwe ingene ryabaye ibara ? Ubutungane mu Burundi bwarapfuye twaragandutse !

2
Nsabiyumva SYLVAIN 22-02-2018 à 18:29

Nibagire amatohoza akwiye kuko iyo ciment yaribwe kandi abayivye bafanwe itonga. Ariko abayivye tugaca twumva ngo barekuwe ! abene gihugu barababazwa nabo baca imanza za ngondegonde.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha