Mu ntara 18 zigize igihugu, ibiharuro mfatakibanza bimaze kuboneka, n’uko mu makomine agize intara zitandukanye Ego yatowe ku majwi aza imbere y’amajwi ya Oya.

Nko mu gisagara ca Bujumbura bimeze uku : EGO : 53,09% OYA : 44%

Mu ntara ya Bururi bimeze uku : EGO:51,96% OYA : 33,39%

Mu ntara ya Muyinga bimeze uku : EGO :79,08%, OYA :10,67%

Mu makomine atandukanye, abajejwe gutunganya amatora bamenyesheje ko bagize ikibazo co kwiyunguruza, aho imodoka zagira ibibazo, ahandi naho amabarabara kubera atameze neza bigatuma ibikoresho bigorana gushika ku biro vy’imirwi itegura amatora mu makomine.

inyuma y’amatora, Pierre Claver Ndayicariye, arongoye umurwi CENI yamenyesheje ko ibitagenze neza mu matora vyabaye bike cane, kandi ata kinini bishobora guhindura ku bizova mu matora.

Mwomenya ko ayo matora y’ibwirizwa nshingiro yabaye kur’uno wa kane, yatanguye isaha icumi na zibiri z’igitondo, arangira isaha icumi z’umugoroba.