’’Imodoka yose yibwe ihagarika umutima abajejwe umutekano’’

Yanditswe na MUGISHA Van Naris
Kuya 6 janvier 2018 saa 01:46
46215
0 0

Mu gihe haheze iminsi hibonekeza ubusuma bw’imodoka mu bice bitandukanye vy’igisagara ca Bujumbura, icegera c’umuvugizi w’igiporisi c’Uburundi Moise NKURUNZIZA asaba abagendesha imodoka ko bogerageza kworohereza abajejwe umutekano mu gikorwa co gusuzumwa kuko ari ku neza yabo.

Moise NKURUNZIZA icegera c’umuvugizi w’igiporisi avuga ko naho batovuga ko ari igihe kidasanzwe canke ko ari nk’ikiza,ubusuma bw’imodoka buhari, ariko imodoka yose yibwe ihagarika umutima abajejwe umutekano.

Icegera c’umuvugizi w’igiporisi avuga ko vyorohera abiba izo modoka mu gihe benezo hari ivyo bakoze bituma infunguruzo z’imodoka zishobora kwiganwa, aho naho akavuga nk’abantu batanga imiduga bakayiha uwariwe wese, abakotesha imodoka canke abazisiga aho zogerezwa.

Moise NKURUNZIZA avuga ko,mu gihe bene imodoka bazisize muri ivyo bibanza hari abaca baja kwigana impfunguruzo, bagakurikirana nyene imodoka aho agiye bakayugurura nkuko ari iyabo.

JPEG - 67.9 ko
Moise NKURUNZIZA, Icegera c’umuvugizi w’igiporisi c’Uburundi

Icegera c’umuvugizi wigiporisi c’Uburundi nakemeza ko ku bamaze kwitura igiporisi c’uburundi bibwe imodoka, abatari bake imodoka zabo zimaze gufatwa kandi ko n’izindi zishobora gufatwa.

Moise NKURUNZIZA asaba uwokwibwa imodoka ko yoca abimenyesha igiporisi kimwegereye, kugira bayikurikirane hakiri kare.


Kumenyekanisha

1
Nivyiza Benithe 9-01-2018 à 10:04

Nivyiza Benithe

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha