Intamba mu Rugamba z’abatarenza imyaka 20 zatanguye kwitegurira inkino mpuzamakungu

Yanditswe na MUGISHA Van Naris
Kuya 26 mars 2018 saa 10:43
Yasomwe :
0 0

Umurwi nserukiragihugu Intamba mu Rugamba w’abakinyi batarenza imyaka 20 warakinye inkino za kivandimwe, kuwa gatandatu igenekerezo rya 24 Ntwarante 2018,no kuw’Imana igenekerezo rya 25 N twarante 2018,mu ntumbero yo kwitegurira inkino mpuzamakungu. Mu nkino zibiri wakinye,Umurwi nserukiragihugu intamba mu Rugamba w’abadashikana imyaka 20 watsinze rumwe, utsindwa urundi.

Mu rukino rwo kuwa gatandatu rwabereye ku kibuga Urukundo c’I Ngozi, umurwi w’intamba mu Rugamba wahuye na Messager Ngozi, urukino rurangira umurwi Messager Ngozi utsinze Intamba mu Rugamba z’abadashikana imyaka 20, ibitsindo bibiri kuri kimwe.

Ibitsindo vy’umurwi Messager Ngozi vyinjijwe na Ladislas na Dannick, mu gihe igitsindo c’umurwi nserukiragihugu Intamba mu Rugamba z’abakinyi batarenza imyaka 20,cinjijwe na KWIZERA Eric.

Ku munsi w’Imana igenekerezo rya 25 Ntwarante 2018, urukino rwa kivandimwe rwabereye mu ntara ya Gitega, rwahuje intamba mu Rugamba z’abadashikana imyaka 20, n’umurwi Musongati FC wo mu ntara ya Gitega, urukino ruca rurangira, Intamba mu Rugamba zitsinze Musongati FC, ibitsindo bibiri ku busa.

Ibitsindo vy’umurwi nserukiragihugu w’abatarenza imyaka 20, vyinjijwe na MAVUGO Cedrick Tity ku munota wa 14, mu gihe igitsindo ca kabiri cinjijwe na IRAKOZE Saidi, ku munota wa 80.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha