Ishirahamwe ATRABU ryemeza ko umugambi wo kwerekana aho imodoka zikorera uzogira akamaro

Yanditswe na MUGISHA Van Naris
Kuya 19 avril 2018 saa 04:32
10080
0 0

Ishirahamwe ry’abunguruza abantu mu Burundi ATRABU rimenyesha ko umugambi wo gushira ibiranga aho imodoka zunguruza abantu zikorera wamaze gutangura gushirwa mu ngiro. Charles NTIRAMPEBA arongoye iryo shirahamwe, yemeza uwo mugambi waje kugabanya ibibazo biri mu gisata co kwunguruza abantu mu gisagara ca Bujumbura.

Charles NTIRAMPEBA arongoye ATRABU avuga ko umugambi wo gushira ku modoka zunguruza abantu ivyerekana aho zikorera vyatanguriye ku modoka zija mu buraruko bw’igisagara ca Bujumbura, kandi ko biriko bikorwa neza, hasigaye gusa ko hajaho abakurikirana ko biriko bikorwa nk’uko vyategerezwa.

Mu gihe hakiboneka imiduga yunguruza abantu itagira ivyo biranga aho ikorera, Charles NTIRAMPEBA arahumuriza, akemeza ko nayo nyene, kuva kw’igenekerezo rya 23 Ndamukiza 2018, azoba yamaze gushirwako ivyo vyerekana aho zikorera.

Ati : « Ni igikorwa kibandanya buke buke, twatanguriye ku modoka nini kuri zitoya tuzotangura vuba cane. Mu ndwi itangura tuzotangura gushira kuri izo modoka ivyerekana aho zikorera. »

Ku makenga ya bamwe mu bagendesha imodoka zunguruza abantu bavuga ko badatahura iyo amafaranga 2000 vy’amarundi basabwa kugira bandikwe, Charles NTIRAMPEBA avuga ko ari agatererano batanga kugira baronke agahembo k’abakora muri ico gikorwa.

Charles NTIRAMPEBA ahumuriza ababa muri quartier ya Mirango, muri zone ya Kamenge bakunze kugira ikibazo co kwiyunguruza mu gatondo, ko nabo nyene kuva kw’igenekerezo rya 23 Ndamukiza 2018, ico kibazo gitanguye kwigwa neza, kugira gitorerwe inyishu.

.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha