Jérôme NZOKIRANTEVYE yahoze arongoye RTNB abarizwa mw’ibohero rikuru rya Mpimba

Yanditswe na Egide NDUWIMANA
Kuya 24 Munyonyo 2017 saa 09:50
59400
0 0

Jérôme NZOKIRANTEVYE yahoze ari umuyobozi mukuru w’insamirizi n’imboneshakure vy’igihugu c’Uburundi (RTNB : Radio Télévision Nationale du Burundi) yaraye ijoro rya mbere mw’ibohero rikuru rya Mpimba mu gisagara ca Bujumbura. Yashikanwe muri iryo bohero ku mugoroba wo kuri uwu wa kane, inyuma y’ukwumvirizwa na Parake ya Bujumbura.

Jérôme NZOKIRANTEVYE yafashwe kw’igenekerezo rya 3 Munyonyo 2017, akaba yinjiye ibohero rikuru rya Mpimba inyuma y’iminsi 21 apfungiwe mw’igendereza aho yatanguriye, mu nyuma atwarwa mu gasho ka PJP (Police Judiciaire des Parquets).

Umunsi atabwa muri yompi n’igiporisi, Petero NKURIKIYE, umuvugizi w’igiporisi c’Uburundi yamenyesheje ko Jérôme NZOKIRANTEVYE apfunzwe yagirizwa kudandaza amatongo atari ayiwe (Vente illicite des parcelles) yo mu Maramvya.

JPEG - 28.2 ko
Jérôme NZOKIRANTEVYE yahoze arongoye RTNB yaraye ijoro rya mbere mw’ibohero rikuru rya Mpimba

Jérôme NZOKIRANTEVYE yahoze ari umuyobozi mukuru wa RTNB niwe yari kandi umukuru w’inama mpanuzwajambo ya komine Mutimbuzi, ariko kuri uwu wa kane igenekerezo rya 23 Munyonyo 2017 akaba ariho yasubirizwa.

Mu matora y’ukumusubiriza, uwitwa Jean Baptiste NIYONZIMA niwe yatsindiye kuyobora inama mpanuzwajambo ya komine Mutimbuzi.


Kumenyekanisha

1
Wakera 24-11-2017 à 11:17

iyimpuzamigambi reka yabishire mw’ibuye! Uzukuntu yavuga nkiyita icanishamwo abarundi umenga ntibizomuhindukirira! bagiye kumarana kandi bazohurira mw’ijuru!

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha