Kenya:Abantu 4 bapfuye ,amazu ibihumbi 6 arasha bivuye ku muriro

Yanditswe na BIKORIMANA Vianney
Kuya 29 janvier 2018 saa 04:38
9840
0 0

Abantu 4 nibo bapfuye,inzu zishika ibihumbi 6 nazo zirasha ziratokombera, inyuma yaho umuriro wadutse mu gace ka Langata i Nairobi, ku murwa mukuru w’igihugu ca Kenya mw’ijoro ryo ku w’Imana buca ari kur’uyu wa mbere igenekerezo rya 29 Nzero 2018.

Amakuru dukesha iradiyo y’abongereza BBC, amenyesha ko uwo muriro watanguye igihe c’isaha zibiri z’ijoro, ariko gushika n’ubu ica wutumye kikaba kitaramenyekana.

Abajejwe intwaro bo muri ako gace bavuze ko, abantu bashika ibihumbi 14 aribo baraye hanze kubera amazu yabo yari yafashwe n’umuriro.

Iradiyo y’Abongereza BBC imenyesha kandi ko, abanyagihugu baho i Langata bavuze ko bahomvye ibintu vyinshi,harimwo ibidandazwa,amazu hamwe n’amamiriyoni y’amashiringi yaho mu gihugu ca Kenya.

Ntivyoroheye abakora ibikorwa vyo kuzimya uwo muriro, kuko amabarabara mato mato ari mwako gace hamwe n’amazi yaciye ahera.

Amakuru ava i Langata amenyesha ko umuriro wagiye kuzimwa mu gatondo ko kur’uyu wa mbere.


Kumenyekanisha

1
kenya 29-01-2018 à 18:14

ntacyo babona iyo nibutse amahera namburiwe muri Kenya

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha