Kenya : Abaporisi icenda baguye mu mutego w’abakora iterabwoba

Yanditswe na Egide NDUWIMANA
Kuya 25 mai 2017 saa 01:41
Yasomwe : 4959
0 1

Abaporisi icenda nibo baguye mu mutego w’abihevyi kuri uwu wa gatatu, ku karere ka Mandera hamwe na Garissa. Imiduga barimwo yaciye ku bisasu (Mines) vyatezwe n’abihevyi.

Muri abo icenda, batanu ni intwazangabo mu giporisi ca Kenya, imodoka barimwo ikaba yaciye ku gisasu igeze ahitwa i Fino.

Muri Garissa naho, abaporisi bandi bane (Agents de la police) nabo nyene bahitanwe n’igisasu imodoka barimwo yaciyeko, babiri mubo bari kumwe barakomereka.

Ubushikiranganji bw’intwaro yo hagati mu gihugu ca Kenya bwamenyesheje ko biboneka ko abigizi ba nabi b’abihevyi bagihari muri ico gihugu, bagasaba abanyagihugu ba Kenya ko batokwijajara.

Igihugu ca Kenya cagiriza abarwanyi ba Al Shabab ko aribo bateze ivyo bisasu vyahitanye abaporisi b’ico gihugu.

Abajejwe umutekano muri Kenya bavuga ko bagiye kubandanya ibikorwa vy’ukurondera hamwe n’ukurwanya abakora iterabwoba muri ico gihugu.

Ico gitero kibaye inyuma y’umunsi umwe gusa, Joseph Boinnet, umugenduzi mukuru w’igiporisi ca Kenya agabishije ko abarwanyi ba Al Shabab bakora iterabwoba binjiye muri Kenya, kandi bariko bategura ibitero.


Kumenyekanisha

1
FIACRE 26-05-2017 à 22:42

Iman ibakir mubwam bwayo.nakamun igihug kirahory. itwar.

2
FIACRE 26-05-2017 à 22:41

Iman ibakir mubwam bwayo.nakamun igihug kirahory. itwar.

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha