Kenya:Uwarahije Raila Odinga yirukanwe mu gihugu

Yanditswe na BIKORIMANA Vianney
Kuya 7 février 2018 saa 11:52
Yasomwe :
0 0

Umunyamategeko Miguna Miguna yahagarikiye ibikorwa vy’iyimikwa vy’uwutavugarumwe na Reta y’igihugu ca Kenya Raila Odinga yirukanywe muri ico gihugu inyuma y’imisi mike afashwe.

Abashingwamanza ba Miguna Miguna bamenyesheje ko uwo baburanira amaze gufungurwa yaciye yirukanwa mu gihugu.

Nkuko tubikesha iradiyo BBC,umushingwamanza Dr John Khaminwa yari mu baburanira Miguna Miguna yavuze ko yabwiwe ko uwo aburanira atakibarizwa ku butaka bw’igihugu ca Kenya.

Dr John Khaminwa yavuze ati :“Nivyo ,yategetswe kwurira indege KLM isaha umunani z’ijoro zigomba gukwira ,ubu twamenye ko yajanywe mu gihugu ca Canada,n’uguhonyanga agateka ka zina muntu.

Ayo makuru abandanya avuga ko Miguna Miguna agifatwa Reta ya Canada yandikiye igihugu ca Kenya yerekana amakenga ifise ku vyerekeye ihohoterwa ryiwe aho ico gihugu caciye gisaba ko asubizwa muri Canada.

Bivugwa ko inkuru zo kwirukana Miguna Miguna zatanguye kumenyekana inyuma yaho umucamanza wa sentare nkuru Luka Kimaru afashe ingingo ko arekurwa yongera abuza umukuru w’urwego rw’iperereza hamwe n’umugenduzi mukuru w’igiporisi kumwagiriza ikintu na kimwe.

Miguna Miguna yafashwe ku munsi wa gatanu w’indwi iheze yagirizwa ko yahagarikiye ibirori vya Raila Odinga ariko yirahiza nk’umukuru w’igihugu kw’igenekerezo rya 30 Nzero 2018,yategetswe gutanga ingwati y’amashiringi y’igihugu ca Kenya ibihumbi 5 ariko ntiyarekuwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha