Kirundo: Babiri bandika abazokwitaba amatora bahagaritswe bagirizwa kwandika ibitarivyo

Abo bafashwe ni Tharcisse NIYONKURU hamwe na William NIMBONA bariko bakorera mu kibanza bandikiramwo abazokwitaba amatora ca Rutegama, muri komine Ntega, intara ya Kirundo.

Ivyo bibaye mu gihe, kur’uyu wa kane igenekerezo rya 8 Ruhuhuma 2018, uwundi muntu umwe yahagaritswe n’igiporisi mu ntara ya Ngozi, yagirizwa kwandika amazina atariyo y’abaje kwiyandikisha.

Igikorwa co kwandika abazokwitaba amatora catanguye kur’uyu wa kane igenekerezo rya 8 Ruhuhuma, kizorangira kw’igenekerezo rya 17 Ruhuhuma 2018.