Ligue des Champions : Real Madrid yatsinze Bayern Munich mu rukino rwa mbere rwa 1/2 gishira ica nyuma

Yanditswe na MUGISHA Van Naris
Kuya 26 avril 2018 saa 09:41
7935
0 0

Ihiganwa rihuza imirwi yabaye iya mbere mu bihugu vyayo ku mugabane wa Buraya, ryarabandanije kur’uyu wa gatatu igenekerezo rya 25 Ndamukiza 2018. Umurwi wa Real madrid wo mu gihugu ca Espagne ukaba watsinze umurwi Bayern Munich wo mu Budagi, ibitsindo bibiri kuri kimwe, uwusanze ku kibuga cawo.

N’urukino kuva mu ntango imirwi yose yagumye yerekana ko ikomeye kandi ishaka intsinzi, naho ku ruhande rw ‘umurwi wa Bayern Munich watakaje abakinyi babiri bari bitezweko vyinshi,mu gice ca mbere bivuye ku mvune.

Ku munota wa 28 w’urukino, ku mupira mwiza ahawe na James Rodriguez, Joshua Kimmich yinjije igitsindo ca mbere acishije mu nfuruka, ariko ku munota wa 44, Marcelo wa Real Madrid arakigombora, igice ca mbere gica gihera ari igitsindo kimwe ku kindi.

Mu gice ca kabiri c’urukino, umurwi Bayern Munich wagumye usatira n’imipira iva mu ruhande rw’ibubanfu y’umukinyi w’umufaransa Franck Ribery, ariko ntiwashobora kuronka igitsindo.

Ku munota wa 57, umukinyi Marco Asensio wa Real Madrid yinjije igitsindo ca kabiri ca Real Madrid, urukino ruca ruhera ku ntsinzi ya Real Madrid y’ibitsindo bibiri kuri kimwe.

Mu rukino rwa mbere rw’igice ca kabiri gishira ica nyuma, rwabaye kuwa kabiri, umurwi Liverpool wo mu Bwongereza watsinze AS Roma wo mu Butariyano, ibitsindo bitanu kuri bitatu.


Kumenyekanisha

1
Deo 3-05-2018 à 00:07

Real Komera Igikombe Nirazima Liva Pool Ninyanya Tuzoyereka Icotuyirura Umwana Ntaho Angana Nase.

2
Oscar Gualdie Wa Epervie Moire 27-04-2018 à 21:09

Nivyiza Cane Kubafanzi Ba Real Madride Akababaro Kubafanzi Babaricelone

3
Ndayisaba Céléstin 27-04-2018 à 19:24

Ndashima Itsinz Ya Real Madrid

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha