Natacha buca ashikiriza igikorwa yakoreye muri Uganda

Yanditswe na Cherif NKESHIMANA
Kuya 16 November 2017 saa 12:01
3660
0 0

Iryavuzwe riratashe, inyuma y’igihe kitari gito havugwa ishirwa ahabona rya Vidéo y’ururirimbo Natacha yakoreye mu Buganda, amakuru atangwa n’abajejwe gutanga amakuru kwa La Namba aremeza ko aho bukera vidéo izotangwa ku mugaragaro.

Video y’ururirimbo "Wangu" Natacha La Namba La Bamba yakoranye na Sheebah Kalungi, Umugandakazi buca ishirwa ahabona. Rapha abwira IGIHE ko kw’igenekerezo rya 17 Munyonyo iyo vidéo yari imaze iminsi itera ibibazo ku bakunzi ba Natacha aho bavuga ko itevye kandi bari babwiwe ko itazoteba gusohoka, izoshirwa ku mugaragaro.

Rapha abandanya avuga ko ibirori vyo gushira ahabona vidéo ya ’Wangu’ bizoba birimwo kandi igikorwa co gutanga ubushimwe ku batamvyi bariko bahiganirwa gusubiramwo ururirimbo "Wangu". Nk’uko bitangazwa n’uwo muvugizi wa La Namba, ubushimwe buzohabwa uwa mbere n’uwa kabiri.

Tubamenyeshe ko ibirori vyo gushira ahabona iyo vidéo izoca ishirwa no ku murongo wa YouTube, bizobera mu Bunywero Campero kuva igihe c’isaha 20h30. Aba DJs nka Dj Mario na Dj Frankiss bazobica bicike. Kwinjira ni ku buntu eka n’ibinyobwa bizotangwa ku giciro gisanzwe, ibitari bimenyerewe muri ico kibanza.

Subira wumvirize "Wangu" imbere y’uko tubashikiriza vidéo


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha