Nigeria : Abakobwa barekuwe na Boko Haram ntibarashika mu miryango yabo

Umuvugizi wa Reta ya Nigeria yavuze ko amafoto y’abakobwa 82 azobanza kwerekwa imiryango yabo, kugira barabe ko ababo barimwo.

Uwo muvugizi yamenyesheje ko hagisigaye igihe kugira abo bakobwa 82 bashikire imiryango yabo, igikorwa co kubashikiriza kizobera ku murwa mukuru w’igihugu i Abuja.

Hari abandi bakobwa bakuwe mu minwe y’umurwi wa Boko Haram mu kwezi kw’icumi mu umwaka uheze wa 2016, ariko n’ubu batararekurwa ngo babonane n’imiryango yabo.