Nyanza-Lac : Abapasitori batatu b’ishengero rya Pantekote bakuwe muri EPBU

Yanditswe na MUGISHA Van Naris
Kuya 6 décembre 2017 saa 10:42
Yasomwe : 23364
0 0

Inama Nkuru y’abungere b’amashengero ya Pentekote mu Burundi EPBU imenyesha ko ivyakozwe vyose mw’ishengero rya pentekote Nyaza-Lac binyuranye n’amategeko agenga EPBU.

Mw’itangazo uwuserukira EPBU yasohoye kuri uwu wa gatatu igenekerezo rya 6 Kigarama 2017, VYIMANA Eleazar amenyesha ko ivyo babishikirije bafatiye ku bikorwa vyakozwe mw’ishengero rya Nyanza-Lac kandi binyuranye n’amategeko y’ishengero.

Muri iryo tangazo, umukuru wa EPBU avuga ko hari abapasitori bubahutse birukana umwungere w’ishengero hakoreshejwe umugumuko, bafata ingingo mu kibanza c’inama nkuru ya EPBU.

Kubera ivyo vyose, inama nkuru EPBU yafashe ingingo ko amatora yose yabaye mw’ishenegero rya Pentekote i Nyanza-Lac atazwi kandi atemewe n’uburongozi bwa EPBU.

Muri iryo tangazo nyene, inama y’abungere b’amashengero ya Pentekote mu Burundi imenyesha ko Pasitori NDIHOKUBWAYO Israel yerekanye ko ari kw’isonga mu migumuko yabaye mw’ishengero i Nyanza-Lac, hamwe na Pasitori BIZIMANA Ezechias yihaye gukoranya inama y’akarwi k’abapasitori atabifitiye uburenganzira, ko ab batakiri kumwe na EPBU.

Iryo tangazo rya EPBU rimenyesha kandi ko Pasitori KIDEBUYE Jonathan yiyimitse mu mabanga yo kuba umwungere biciye mu kaguma, nawe atacifadikanije n’inama y’abungere b’amashengero ya Pentekote mu Burundi EPBU.

Inama y’abungere b’amashengero ya Pentekote mu Burundi EPBU isaba abo bapasitori batacifadikanije nayo kuva mu bibanza vyose n’inyubakwa za EPBU na CEPBU.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha