OLUCOME isaba umufasha w’umuhuza kugondoza Reta kuja mu biganiro

Yanditswe na Bikorimana Vianney
Kuya 19 April 2018 saa 05:29
8490
0 0

Ishirahamwe ryishinje kugwanya igiturire hamwe n’abasesagura amatungo ya Reta OLUCOME risaba umufasha w’umuhuza mu matati y’abarundi Benjamin William Mkapa kugondoza Reta y’Uburundi kugira yemera ko haba amasezerano yoshikwako yoza yiyongera ku masezerano y’i Arusha, mu ntumbero yo gutorera inyishu indyane z’igihugu.

Mu rwandiko inomero 007/OLUCOME/04/2018,ishirahamwe OLUCOME ryandikiye Benjamin Willaima MKAPA kw’igenekerezo rya 19 Ndamukiza 2018, Gabriel RUFYIRI amenyeshako bamenya yuko Reta y’Uburundi yafashe ingingo yo guhagarika kwitaba ibiganiro bibera hanze biciye mw’itanganzo ry’ishirahamwe ry’ibihugu vya Afirika hamwe n’ishirahamwe mpuzamakungu Onu.

Uyo mukuru wa OLUCOME avugako vyatumye na Reta y’Uburundi kw’igenekerezo rya 17 Ndamukiza 2018 ica isohora itangazo rijanye n’iryo tangazo ry’ayo mashirahamwe uko ari 2.

Gabriel RUFYIRI amenyeshako iryo tangazo rya Reta y’Uburundi rivugako Uburundi buzobandanya ibiganiro ariko vyibonekeza ko idashaka ibiganiro bibera hanze y’igihugu.

Uyo mukuru wa OLUCOME avuga ko icemeza ko Reta idashaka ivyo biganiro aruko uwayiserukiye mu biganiro biheruka yemeje ko Reta y’Uburundi itazokwitaba ibiganiro ibikorwa bijanye n’ihinyanyurwa ry’ibwirizwa shingiro hamwe n’inama ya COMESA bitegekanijwe mu mezi ya Rusama na Ruheshi bidaheze.

Gabriel RUFYIRI asigura ko ivyo bidatahuritse kuko ivyo bikorwa bibiri bidasumba gutorera inyishu ibibazo bihanze igihugu bitumye abarundi benshi bamererwa nabi.

Mu rurwo rwandiko Gabriel RUFYIRI arangiza asaba ababifisemwo uruhara bose gukora ibishoboka kugira Reta igondozwe ibiganiro bisubire gutangura vuba.


Kumenyekanisha

1
IZABAYO 14-06-2018 à 16:29

ESE UWATOWE N’UWUTATOWE NINDE YOKURA UWUNDI?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha