Primus Ligue Burundi : Umurwi Messager Ngozi watahukanye igikombe c’umwaka

Yanditswe na MUGISHA Van Naris
Kuya 28 mai 2018 saa 09:56
9495
0 0

Umurwi Messager Ngozi watahukanye igikombe mu cicaro ca mbere c’ihiganwa ry’umupira w’amaguru mu Burundi, Primus Ligue Burundi, inyuma yo kunganya mu rukino rwo ku ndwi ya nyuma y’ihiganwa, n’umurwi wa Olympic Star w’I Muyinga, ibitsindo bibiri kukri bibiri.

Gushika ku munsi wa kane igenekerezo rya 24 Rusama 2018,umunsi umurwi Messager Ngozi watsinda umurwi LLBS4 Afrika, ibitsindo bibiri kuri kimwe, iyo mirwi yose yari igihiganirwa ikibanza ca mbere.

Vyose vyadadanutse kur’uyu wa gatandatu igenekerezo rya 26 Rusama 2018, inyuma y’urukino rwahuje Messager Ngozi na Olympic Star, kuko umurwi Messager Ngozi wasabwa gutsinda canke kunganya kugira utahukane ikibanza ca mbere.

Ukunganya hagati ya Messager Ngozi na Olympic Star, vyatumye umurwi Messager Ngozi ukwiza amanota 70, mu gihe LLBS4 Africa nawo naho watsinze Delta Star ibitsindo indwi ku busa, waciye ugira amanota 69.

Umurwi Messager Ngozi uzoca userukira igihugu c’Uburundi, mu nkino zo guhiganirwa igikombe, hagati y’imirwi yabaye iya mbere mu bihugu vyayo ku mugabane wa Afrika, mu mwaka wa 2018 ushira uwa 2019.

Mu gihe Messager Ngozi itahukanye igikombe, imirwi itatu nayo yakorokeye mu cicaro ca kabiri yaramaze kumenyekana. Iyo mirwi akaba ari : Inter Star, Les jeunes Athletics na Delta Star.


Kumenyekanisha

1
Riyaziman 11-10-2018 à 05:57

mesaje kobarimubibaza bazoserukira gihugugu t ? nibikosore ntibazotumaramaz

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha