Primus Ligue: Imirwi itatu yaduze mu cicaro ca mbere yamenyekanye

Iyo mirwi ni Les Jeunes Athlétiques, Delta Star hamwe n’umurwi Flambeau du Centre waronse uburenganzira bwo kuduga mu cicaro ca mbere, inyuma y’urukino rwo gusubiriza rwawuhuje n’umurwi Burundi Sport Dynamik.

Mu rukino rwa mbere rwabaye kw’igenekerezo rya 28 Ruheshi 2017 ku kibuga citiriwe umuganwa Rudoviko RWAGASORE,umurwi Flambeau du Centre wari wanganije n’umurwi Burundi Sport Dynamik ubusa ku bundi.

Mu rukino rwo gusubiza rwabereye ku kibuga co mu ntara ya Gitega, umurwi Flambeau du Centre watsinze umurwi wa Burundi Sport Dynamik ibitsindo bibiri ku gitsindo kimwe.

Iyo mirwi itatu iduze mu cicaro ca mbere, igiye gusubirira imirwi Muzinga FC , Rusizi FC n’umurwi Magara Star yahejeje ihiganwa ry’umwaka uheze iri mu bibanza bitatu vya nyuma.