RDC : Amatora ategekanywa kuba mu mpera za 2018

Yanditswe na Vianney BIKORIMANA
Kuya 6 Munyonyo 2017 saa 05:00
Yasomwe : 6966
0 0

Umugwi w’igihugu ujejwe gutegura amatora mu gihugu ca Repuburika iharanira intwaro rusangi ya Kongo watangaje ko amatora y’umukuru w’igihugu azoba mu kwezi kwa Kigarama umwaka uza wa 2018.

Abatavuga rumwe na Reta ya Joseph Kabila inyuma yo kwumva ivyo vyashikirijwe n’uwo mugwi utegura amatora bashikirije ko badashobora kuvyemera, aho bavuze ko umukuru w’igihugu Joseph Kabila ategerezwa kuva ku butegetsi vyanka bikunda imbere y’uko uwu mwaka uhera.

Bavuze bati : "Turanse ikirangaminsi c’amatora ico twipfuza muri kino gihe n’uko Kabila ava ku butegetsi hageze igenekerezo rya 31 Kigarama 2017".

Tubibutse ko amatora yari yategekanijwe kuba uno mwaka wa 2018 inyuma y’umwumvikano wahagarikiwe n’abungere ba Ekleziya Katorika yo muri ico gihugu mu mwaka uheze hagati ya Reta hamwe n’abatavuga rumwe nayo, ariko umugwi w’igihugu utegura amatora ntiwashoboye kuyategura ku gihe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha