Ruyigi : Babiri bagirizwa gutabura ikarata y’itora baciriwe gupfungwa imyaka ibiri

Abo bagabo babiri ni Nshimirimana Prosper na Ntirampeba Jean Claude bose baba mu ntara ya Ruyigi.

Agnes BANGIRICENGE avugira sentare ntahinyuzwa mu Burundi, amenyesha ko, sentare yabahaye ico gihano yisunze ingingo ya 225 y’igitabu gihana ivyaha bijanye n’amatora.

Mwomenya ko kur’uno wa kane ku mugoroba, uwundi mugabo umwe yahanishijwe gupfungwa amezi atatu na sentare Nkuru ya Mukaza, mu gisagara ca Bujumbura, yagirijwe gushaka gutora incuro zibiri.