Rwanda : Urubanza rwa Diane Rwigara n’abo mu muryango wiwe rwashizwe ku wundi munsi

Yanditswe na Egide NDUWIMANA
Kuya 9 Gitugutu 2017 saa 12:35
Yasomwe : 12573
0 0

Sentare y’Urwanda yafashe ingingo ko urubanza rw’iburanishwa kw’ifungwa ry’agateganyo rya Diane Rwigara, Anne Rwigara bavukana hamwe n’umuvyeyi wabo Mukangemanyi Adeline ryimurirwa kuwa gatatu igenekerezo rya 11 Gitugutu 2017 kugira uwubafasha kuburana (Avocat) abanze asome ibirego.

Mu ntahe yo kuri uwu wa mbere, ari baje kwumviriza bari benshi ku buryo ku buryo hari hashizweho ivyuma bishikana amajwi kure.

Umushingwamanza Buhuru afashwe abo mu muryango wa RWIGARA yamenyesheje ko atarasoma ibirego, arico gituma atateguye urubanza. Yasavye ko urubanza rushirwa ku yindi sango kugira abanze asesangura ingingo zafashwe na Sentare. Yasavye iminsi itanu.

Adeline Rwigara, umuvyeyi wa Diane Rwigara yabwiye abacamanza ko we n’abana biwe batazi ico bagirizwa, avuga ko bakeneye kubona dosiye bakaburana bayifise.

JPEG - 24.8 ko
Diane RWIGARA (i bubamfu) ari muri Sentare

Umushikirizamanza yabwiye uwo muryango wa RWIGARA ko abakurikiranwa bose babwiwe ivyo bagirizwa, bumvishwa n’amajwi arimwo ibimenyetso vy’ivyaha bairizwa vy’ugushaka guhungabanya umutekano w’igihugu.

Inyuma y’izo mpari, Sentare yasavye ivyasabwe n’umushingwamanza w’abakurikiranwa n’ubutungane ko yohabwa iminsi itanu y’ukwiga ibiri mw’idosiye, urubanza rwimurirwa kuri uwu wa gatatu igenekerezo rya 11 Gitugutu 2017 isaha zitatu z’agatondo, ni ukuvuga inyuma y’iminsi itatu.

JPEG - 289.7 ko
Diane Rwigara n’abo mu muryango wiwe imbere ya Sentare

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha