Shassir NAHIMANA ntiyashizwe ku rutonde rw’abakinyi bazoja muri Afrika y’epfo

Yanditswe na Egide NDUWIMANA
Kuya 15 Ntwarante 2018 saa 03:28
33285
0 0

Umusatirizi w’umurwi nserukiragihugu w’Uburundi, akaba n’umukinyi akomeye wa Rayon Sports yo mu Rwanda, NAHIMANA Shassir ntiyashizwe ku rutonde rw’abakinyi 18 ba Rayon Sports bagiye kwerekeza mu gihugu ca Afrika y’epfo mu rukino rw’ugusubiriza ruzohuza uwo murwi hamwe na Mamelodi Sundowns. Bagenzi batatu bo mu Burundi aribo Kwizera Pierrot, Hussein Shabani Tchabalala hamwe na Bimenyimana Bonfils Careb bariko kuri urwo rutonde. Ukutumvikana hagati ya Shassir n’umumenyereza wiwe kwatanguye kwibonekeza.

Amakuru atangwa n’ikinyamakuru "Ruhago Yacu" co mu gihugu c’Urwanda avuga ko imbere y’uko urwo rutonde rw’abakinyi bazoja muri Afrika y’epfo rusohoka, NAHIMANA Shassir yanse gukora imyimenyerezo, aho akaba ari inhyuma y’aho we hamwe na Yassin Mugume borungikiwe kwimenyereza mu murwi wa kabiri wa Rayon Sport, umurwi wiganjemwo abakinyi bakiri bato, bitegurira kuzokinira uwo murwi. Uwo munsi Shassir ntiyemeye kuja kwimenyereza muri uwo murwi.

Ayo makuru abandanya avuga ko uburyo Nahimana Shassir yigenjeje mu rukino rwa mbere rwahuje Rayon Sport na Mamelodi Sundowns, aho yaje gusubirizwa ku munota wa 30, arivyo vyatumye urukino rwakurikiye rwo mw’ihiganwa ryo mu Rwanda, adashirwa mu kibuga, mu rukino Rayon Sport yariko ikina na Marines FC. Kuva ico gihe, vyaciye bitangura kunuganurwa ko umumenyereza Ivan Minaert wa rayon Sport atazojana Shassir muri Afrika y’epfo.

JPEG - 46.2 ko
Umusatirizi NAHIMANA Shassir

Nahimana Shassir asanzwe yaratowe kenshi nk’umukinyi w’ukwezi mw’ihiganwa ry’Urwanda "Azam Rwanda Premier League" ari mu murwi wa Rayon Sports kuva mu mwaka w’2016, amasezerano yiwe n’uwo murwi akaba azoherana n’uwu mwaka, bikavugwa ko ashobora kwerekeza muri Kenya canke mu murwi wa Kiyovu Sports.

Abakinyi 18 ba Rayon Sports bagiye kwerekeza muri Afrika y’epfo mu rukino rw’ugusubiza na Mamelodi Sundowns.

1. Bakame
2. Cassim
3. Mutsinzi Ange
4. Manzi Tierry
5. Gabby
6. Faustin
7. Irambona Eric
8. Rutanga
9. Master
10. Niyonzima Sefu
11. Mukunzi Yannick
12. Kwizera Pierrot
13. Muhire Kevin
14. Bimenyimaba Caleb
15. Christ Mbondi
16. Diarra
17. Tchabalala Hussen
18. Nyandwi Sadam


Kumenyekanisha

1
Niyogusenga Jules 5-04-2018 à 23:01

None Nikuberiki Batamutwaye ?

2
Yegodi 15-03-2018 à 17:42

Ivyomuvuga nivyo mugabo nimube mwandika amazina y, abakinyi neza. Bimenyimaba nuwahehe ? Careb nuwahehe ? Amazina yiwe ni Bimenyimana Bon Fils Caleb

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha