Somaliya : Abantu 15 bahitanywe n’ikibombe catezwe ku murwa mukuru

Yanditswe na Callixte Carpe NDIKUMANA
Kuya 23 mars 2018 saa 04:25
14175
0 0

Abantu 15 nibo boba bamaze gupfa abandi benshi barakomereka inyuma yaho haturikijwe ikibombe mw’ibarabara ricako abantu benshi, i Mogadisho , ku murwa mukuru w’igihugu ca Somaliya,hakoreshejwe imodoka.

Nk’uko tubikesha iradiyo y’abongereza BBC,abarwanyi b’umuhari Al-Shabaab bavuze ko aribo bakoze ico gitero.

Umuntu yabonye uko ico gitero kiba, yabwiye itororokanirizo ry’amakuru ry’abafaransa AFP, ko ico giturika kinini caturutse ku modoka itwaye ibombe yari iruhande y’inzu y’uburiro bita Wehliye, abariko baranwa icayi akaba aribo benshi boba bitavye Imana.

Abakurikiranira hafi ibijanye n’igihugu ca Somaliya, bavuga ko ,ibitero vyinshi vya bombe bimaze iminsi bikorwa ku murwa mukuru w’igihugu ca Somaliya,ari ikimenyetso ko umwumvikano muke uri muri Reta, utuma ikibazo c’umutekano cunyuka.


Kumenyekanisha

1
Niyukuri mkombozi 24-03-2018 à 22:42

Yoooo,ntakundi vyama vyabaye kwisi nuko ariko birafise iherezo bizohera al shaabab ntantabwe izotera

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha