Spok’s yasohoye ururirimbo yidoga ku mabi y’amahera

Yanditswe na Cherif NKESHIMANA
Kuya 23 Myandagaro 2017 saa 05:23
Yasomwe : 4464
0 0

Spok’s yavuye mu gacere yari amazemwo iminsi, adasohora indirimbo. Azanye imyidogo y’amabi akorwa n’amahera mu kibano.

Mu gihe hari haheze iminsi itari mike Spok’s adasohora indirimbo, uwo muririmvyi yashize ahabona ururirimbo yise "Amahera". Nk’uko vyumvikana muri urwo ruririmbo, Spok’s atangura aririmba ubuzima yari abayemwo atarayaronka, ico gihe akavuga ko yari afise abo aganyira.

Abandanya aririmba ko amaze kuronka akazi, akoronka amahera, yaciye yibagira bamwe yahora aganyira hama atangura "kugara". Spok’s ati : "Amahera arahindura, bayita amapesa, uyafise uratesa. Akoresha amakosa ayo mapesa, hari n’abavukana batakivugana kubera ayo mahera".

Tubibutse ko Spok’s ariwe yatsindiye ihiganwa rya Isanganiro Awards ryabaye mu kwezi kwa Nyakanga umwaka w’2016. Hakaba himirije ihiganwa rya Isanganiro Awards ku bw’igice ca gatandatu ari naho hazotorwa uwuzosubirira Spok’s.

Ururirimbo "Amahera"


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha