Incamake

USA : Donald Trump avuga ko ashobora gusohoka mu biganiro bizomuhuza na Kim Jong-Un

Yanditswe na MUGISHA Van Naris
Kuya 19 avril 2018 saa 10:52
10230
0 0

Umukuru w’igihugu ca Reta Zunze Ubumwe za Amerika Donald Trump avuga ko mu gihe ibiganiro vyobahuza n’umukuru wa Koreya yo mu Buraruko ,Kim Jong-un ,ata co vyoshikako, azohaguruka ace abivamwo.

Iradiyo y’abongereza BBC, imenyesha ko mu kiganiro bahaye abamenyeshamakuru, ari kumwe n’umushikiranganji wa mbere w’Ubuyapani Shinzo Abe bavuze ko bikwiye ko haguma hafatwa izindi ngingo kuri Koreya yo mu Buraruko, gushika ico gihugu gihagaritse gukora ibirwanisho vy’ubumara.

Ayo makuru ya BBC, amenyesha ko Imbere y’aho, Donald Trump yari yemeje ko umukuru w’igisata kijejwe iperereza CIA, Mike Pompeo yagize urugendo rwo mw’ibanga muri Koreya yo mu Buraruko kubonana na Kim Jong Un.

Urwo rugendo rw’umukuru wa CIA muri Koreya yo mu Buraruko, rubaye urwa mbere rwo ku rwego rwo hejuru hagati ya Amerika na Koreya yo mu Buraruko ruguru, kuva mu mwaka wa 2000.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha