USA : Hagiye gutanguzwa amatohoza ku ruhara rwa FBI mu kwiyamamaza kwa Trump

Yanditswe na BIKORIMANA Vianney
Kuya 21 mai 2018 saa 11:21
8295
0 0

Ubushikiranganji bw’ubutungane bwo mu gihugu ca Reta Zunze Ubumwe za Amerika bwatangaje ko bugiye gukora amatohoza ku bijanye n’uko ikigo ca FBI coba carakwirikiranye ibikorwa vyo kwiyamamaza vy’umukuru w’igihugu Donald Trump mu mwaka wa 2016 bidakwirije amategeko.

Ubutumwa umukuru w’igihugu wa Amerika Donald Trump yacishije ku rubuga rwiwe rwa twitter yamenyesheje ko ashaka kumenya y’uko abatwaye imbere yiwe aribo batanze itegeko kugira ivyo bikorwe.

Bivugwako ikigo kijejwe igendereza rya Amerika FBI cari gifise abantu bagiha amakuru yabereye mu makoraniro n’amanama yakorwa na Donald Trump, mu gihe c’imyiyamamazo mu kibanza c’umukuru w’igihugu.

Mu mpera z’indwi iheze ,Donald Trump yamenyesheje ko ikigo FBI carungika abantu babasumira urusaku mu murwi warujejwe ibikorwa vyiwe vyo kwiyamamaza kandi vyakorwa ku nyungu za poritike.

Ayo matohoza agiyeho, mu gihe hasanzwe hari irindi tohoza rimaze umwanya ririko rikorwa na Robert Mueller rijanye no gutohoza nimba igihugu c’Ubursiya ata ruhara cagize mu matora yo mu mwaka wa 2016 aho uwaserukiye umugambwe w’Abademokarate Hillary Clinton yatsinzwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha