Incamake

USA : Reta igiye kugenzura amakuru ku buhinga ngurukanabumenyi y’abinjira mu gihugu

Yanditswe na MUGISHA Van Naris
Kuya 31 mars 2018 saa 03:37
3750
0 0

Igihugu ca Reta Zunze Ubumwe za Amerika camenyesheje ko gitegura kuza kiregeranya amakuru yo ku mbuga ngurukanabumenyi, koranyambaga z’abantu bose bashaka kwinjira muri ico gihugu.

Ico ciyumviro cavuye mu bushikiranganji bw’imigenderanire ya Reta Zunze Ubumwe za Amerika, gitegekanya ko abashaka kwinjira mu gihugu, bazotanga amakuru yose kuri Facebook na Twitter zabo.

Ico ciyumviro kivuga kandi ko bazoza barasabwa kwerekana imyidondoro yabo, bakoresheje ku mbuga ngurukanabumenyi, n’imiburiburi mu myaka itanu iheze.

Iradiyo y’abongereza BBC, imenyesha ko n’imiburiburi abantu baharurwa mu miliyoni 14.7 buri mwaka bazoshikirwa n’ingaruka zivuye kur’uwo mugambi, ufise intumbero yo kubungabunga umutekano w’igihugu.

Abasaba kugendera Reta Zunze Ubumwe za Amerikaviza bazosabwa kandi gutanga inomero za terefone, email n’amakuru y’ingendo bakoze mu myaka itanu iheze.

Biteganyijwe ko iyo ngingo yemezwa n’ibiro bijejwe amafaranga Reta ikoresha, hanyuma abanyagihugu bahabwe amezi abiri yo gutanga ivyiyumviro, imbere yo gutangura kuyubahiriza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha