Ubufaransa : Uwahoze ari umukuru w’igihugu Nicolas Sarkozy arapfunzwe ic’amaso

Yanditswe na Oscar NDAYISHIMIYE
Kuya 20 mars 2018 saa 03:43
Yasomwe :
0 0

Nicolas Sarkozy, yahoze ari umukuru w’igihugu c’Ubufarasa ari mu minwe y’igiporisi mu ntumbero y’amatohoza ku vyerekeye amahera akekwa ko yahawe n’uwahora ari umukuru w’igihugu ca Libiya, Muammar Kadhafi ngo yiyamamarize kurongora Ubufarasa.

Amakuru dukesha urubuga ngurukanabumenyi rw’iradiyo y’abongereza BBC, amenyesha ko Nicolas Sarkozy, yahoze ari umukuru w’igihugu c’Ubufarasa ari mu minwe y’igiporisi ku mvo z’amatohoza yogukoresha amahera avuye mu gihugu ca Libiya yiyamamarijeko mu matora yo muri 2007, kandi binyuranye n’amategeko agenga igihugu c’Ubufarasa

Mu mwaka wa 2013, Ubufaransa bwaratanguje amatohoza ku birego bivuga ko yahawe na Kadhafi amahera yo kwiyamamaza bidaciye mu mategeko mu mwaka wa 2007, ariko uwahoze ari umukuru w’igihugu Sarkozy yavuze ko ata kibi yakoze.

Ibirego Nicolas Sarkozy yagirizwa, vyavuye ku murwizatunga w’umufaransa afise amamuko muri Libani, Ziad Takieddine, hamwe na bamwe mu bari ku butegetsi bwa Kadhafi.

Nicolas Sarkozy, yaragomvye kwitoza kurongora igihugu c’Ubufaransa ariko atsindwa na François Hollande.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha