Ubuganda : Umushingamateka yasabwe gusaba imbabazi abakenyezi bahohoterwa

Yanditswe na MUGISHA Van Naris
Kuya 13 mars 2018 saa 04:51
7740
0 0

Inyuma yo kubwira abagabo mu gihugu c’Ubuganda ko bari bakwiye gukubita abagore bab, umushingamateka aheruka guhimirizwa gusaba ikigongwe abakenyezi bahohoterwa mu ngo.

Umushingamateka Onesimus Twinamasiko yavugiye ku mboneshakure yo mu Buganda , NTV, ko nk’umuntu w’umugabo ategerezwa guha indero umugore wiwe.

Uwo mushingamateka yavuze ati :"Utegerezwa kumukorako gato, ukamutega umutego, ukamukubita kugira umushire ku murongo."

Ivyo yavuze vyariyamirijwe cane ku mbuga ngurukanabumenyi, umwe mu bakomeye baharanira agateka k’abagore mu gihugu c’Ubuganda avuga ko uwo mushingamateka yari akwiye kwivuza.

Diana KAGERE wo mu kigo kirwanira agateka k’abagore, CEDOVIP, yabwiye iradiyo y’abongereza BBC ko Onesimus Twinamasiko yari akwiye gusaba ikigongwe ku mugaragaro abagore bose bahohoterwa.

Mu gihugu c’Ubuganda abagore barenga umwe kuri batanu bafise imyaka iri hagati ya 15 na 49 baramaze guhohoterwa muhira, canke bagashurashuzwa ku nguvu , nk’uko biri mu cigwa ca Reta y’Ubuganda co mu mwaka uheze wa 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha