Uburundi bwaserukiwe mu nkino zihuza amanama nshingamateka y’ibihugu vya EAC

Yanditswe na MUGISHA Van Naris
Kuya 5 décembre 2017 saa 10:13
Yasomwe : 4689
0 0

Uburundi bwaraserukiwe mu nkino zigira umunani zihuza amanama nshingamateka y’ibihugu bigize akarere ka Afrika y’Ubuseruko. Intumwa z’Uburundi zagiye zirongowe n’umukuru w’Inama Nkenguzamateka Reverien NDIKURIYO.

Mu rukino rwa mbere rwabaye kur’uyu wa mbere igenekerezo rya 4 Kigarama 2017, umurwi w’Inama Nshingamateka y’Uburundi yatsinzwe n’umurwi w’Inama Nshinganmateka ya Tanzaniya ibitsindo bitatu ku bitsindo bibiri.

Urukino rugira kabiri rutegekanijwe kuba ku muhingamo wo kur’uyu wa kabiri igenekerezo rya 5 Kigarama 2017, umurwi waserukiye Uburundi uza gukina n’umurwi wa Kenya, azoba ari isaha icenda mu masaha y’i Dar Es Salaam, n’ukuvuga isaha umunani zo mu Burundi.

Naho ku nkino zari zitegekanijwe Uburundi bwari guserukirwa n’imirwi ibiri,uwukina umupira w’amaguru n’uwukina Netball, amakuru ava mu baserukiye Uburundi amenyesha ko umurwi ukina urukino rwa Netball batitavye ihiganwa.

Izo nkino zatanguye kw’igenekerezo rya mbere Kigarama, zizorangira kw’igenekerezo rya 11 Kigarama 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha