Uburusiya : Uwutavuga rumwe na Reta yimwe uburenganzira bwo kwitoza

Yanditswe na Vianney BIKORIMANA
Kuya 26 Kigarama 2017 saa 11:22
7845
0 0

Umukuru w’abatavuga rumwe na Reta y’igihugu c’Uburusiya Alexei Navalny yimwe uburenganzira bwo guhiganirwa ikibanza c’umukuru w’igihugu mu matora yimirije kuba mu kwezi kwa Rusama 2018.

Umugwi w’igihugu ujejwe amatora muri ico gihugu washikirije ko Alexei Navalny adashobora guhiganirwa ikibanza c’umukuru w’igihugu kuko yagirizwa amakosa yo kwiba amafaranga y’igihugu.

Uwo atavuga rumwe na Reta y’Uburusiya yahamagariye abanywanyi biwe kutemera uko ayo amatora yimirije ariko arategurwa aho ashikiriza ko ivyo yagirizwa atarivyo kandi bifise intumbero ya poritike.

Alexei Navalny afise imyaka 41 yamenyekanye nk’umunyeporitike ashobora guhangana n’umukuru w’igihugu Vladmir Putin mu matora, yaciriwe gufungwa imyaka 5 mu ntango z’umwaka wa 2017 yagirijwe ubusuma hamwe no gukoresha amafaranga biciye inyuma y’amategeko.

JPEG - 335.6 ko
Umukuru w’abatavuga rumwe na Reta y’igihugu c’Uburusiya Alexei Navalny

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha