Umugambi wo gutera ibiti wiswe « Ewe Burundi urambaye » watangujwe

Yanditswe na Pacifique BUKURU
Kuya 13 novembre 2017 saa 05:23
Yasomwe : 12006
0 0

Ubushikiranganji bwo kwivuna abansi no gukurikirana abahoze ku rugamba, ufadikanije n’ibiro vy’umukuru w’igihugu bwatanguje umugambi wo gutera ibiti mu gihugu cose wise« Ewe Burundi urambaye » .Hakaba hategekanijwe guterwa imivyaro y’ibiti igera kuri 21.000.000 mu kiringo c’imyaka indwi. Uwo mugambi ukazotwara amafaranga agera ku 11.168.465.000 fbu.

Kur’uyu wa mbere igenekerezo rya 13 Munyonyo 2017, ubushikiranganji bwo kwivuna abansi, no gutunganiriza abahoze ku rugamba bufadikanije n’ibiro vy’umukuru w’igihugu , bwatanguje umugambi wo guteza ibiti mu gihugu cose.

Umukuru w’igisirikare General Prime NIYONGABO, avuga ko urwego arongoye rwitayeho gukingira ibidukikije.

« Urwego rw’igisirikare rurijukiye gukingira ibidukikije,twateye imivyaro irenga 100.000 mu mwaka wa 2016, tukaba twiteze gutera ibigera kuri 200.000 mu mwaka wa 2017. »

Gen Prime NIYONGABO avuga ko gukingira ibidukikije biri mu bikorwa vya minsi yose vy’igisirikare.

Muganga Sabine NTAKARUTIMANA, yaserukiye ibiro vy’umukuru w’igihugu, yamenyesheje ko mu gihe Uburundi bwugarijwe n’ikibazo c’igwirirana ry’abantu, amatongo akaba yaraze, gukingira ibidukikije coba igikorwa gishirwa imbere kugira isi ikingigwe.

« Irwirirana ry’abantu riri ku murindi munini, bigatuma isi ndimwa iba ntoyi kandi igatituka.Umugambi wo gutera ibiti uzofasha mu kubungabunga isi n’ibidukikije, hamwe n’ibinyabuzima biba mu mashamba ».

Célestin NDAYIZEYE,umushikiranganji w’ibidukikije asaba ko uwo mugambi atawowirengagiza, abarundi bose bakawufata mu minwe.

Ico gikorwa kikazofatwa mu mugongo na Reta y’Uburundi hamwe n’abasanzwe bafasha Reta.


Kumenyekanisha

1
Bizoza 14-11-2017 à 14:54

Uwo mugambi ngo witwa Ewe Burundi urambaye ?namba ari ukwambara umucafu,ubwicanyi,ubunyonyezi no kwica inzirakarengane

2
Aristide Noris 14-11-2017 à 11:57

Ni igikorwa ciza cane.Ahubwo nasaba n’ubushikiranganji bw’indero bwikore ku banyeshure bo mumashure cane cane matomato kugira umwe wese atahane igiti aja gutera muhira.Vyarigeze kuba kera kandi vyaratanze ivyamwa.Umwana ariyumva neza atahanye igiti rwiwe kandi ategerezwa gukurikirana ingene gikura. No mu bisagara vyoshoboka

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha