Ubutariyano : Umukuru w’igihugu yashizeho umushikiranganji wa mbere adahurizwako na bose

Yanditswe na MUGISHA Van Naris
Kuya 29 mai 2018 saa 09:37
6135
0 0

Umukuru w’igihugu c’Ubutariyano yagenye umushikiranganji wa mbere mushasha,Carlo Cottarella. Uwo mushikiranganji akaba ashikiye mu bibazo bitoroshe mu bijanye na poritike n’ubutunzi.

Amakuru dukesha iradiyo y’abongereza BBC, amenyesha ko, umukuru w’igihugu yanse kwemera urutonde rw’abagize Reta, rwatanzwe n’imigambwe ibiri Five Star na The League-yatorewe kurongora Ubutariyano.

Umushikiranganji wa ,mbere Carlo Cottarelli, asanzwe ari umuhinga muvy’ubutunzi , akaba kandi yahora akorera mu kigega mpuzamakungu gitunganya ivy’amafaranga kw’isi FMI.

Naho adashobora guteba muri ico kibanza, Carlo Cottarelli avuga ko ari iteka yatewe kugenwa muri ico kibanza, ariko mu nani zihurikiye mu migambwe yitwa Five Star na The League, bamaze kumenyesha ko batagiye kumwemera, ni yashikanwa mu nama nshinga mateka.

Ku ruhande rwiwe, Carlo Cottarelli , yavuze ko hamwe vyogenda ukwo azoca atanga imihoho.

Mur’ico gihe amatora adasanzwe yoca atunganywa mu kwezi kw’umunani. Ivyo navyo nivyo iyo migambwe yifuza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha