Accueil > Amakuru > Poritike > Umuhuza w’abarundi asabwa gufasha mw’ishirwako umukono ry’ivyavuye mu biganiro (...)
Umuhuza w’abarundi asabwa gufasha mw’ishirwako umukono ry’ivyavuye mu biganiro i Arusha
lundi 18 juin 2018
Mu kiganiro umunyamabanga mukuru w’umugambwe CNDD-FDD, Evariste NDAYISHIMIYE, kuwa kane igenekerezo rya 14 Ruheshi 2018, yamenyesheje ko gushira umukono ku vyavuye mu biganiro i Arusha vyofasha kugira ntihagire igisubira gusamaza abarundi mugihe bariko bashira mu ngiro ibwirizwa nshingiro bitoreye.
Umunyamabanga mukuru w’umugambwe CNDD-FDD yavuze kandi ko, umugambwe arongoye ushimira amashirahamwe n’ibihugu vyateye intege Uburundi mu kwitorera ibwirizwa nshingiro mu matora yabaye kuwa 17 Rusama 2018.
Umugambwe CNDD-FDD uhamagarira ababishoboye gushigikira Uburundi mu gukomeza intwaro rusangi ku neza y’ishaka ry’abarundi, ugasaba kandi abanyepolitike bose, iyo bari hose kuza kwifatanya n’abandi mu gutunganya urupapuro rw’inzira ruzoshikana ku matora yo mu 2020.
IGIHE
Messages
18 juin 2018, 12:47, par Busurahende
Burya ibiganiro vy’i Arusha hari amasezerano vyashitseko ? Ko ibinyamakuru atavyo vyigeze bishikiriza ? Ikindi : ngo hariho ibihugu vyashigikiye irya nkinamico ngo ni amatora yabaye italiki 17 Rusama kandi vyaravuzwe neza ko ata barorerezi bavuye hanze baje ? Ndajorewe ni izina ...