KWIZERA Pierrot yahawe agashimwe k’umukinyi yigenjeje neza mw’ihiganwa ry’Urwanda

Yanditswe na MUGISHA Van Naris
Kuya 10 juillet 2017 saa 08:07
Yasomwe : 7398
0 0

Umukinyi w’umurwi nserukiragihugu w’Uburundi KWIZERA Pierre batazira Pierrot niwe yatowe nk’umukinyi yigenjeje neza mw’ihiganwa ry’umupira w’amaguru mu gihugu c’Urwanda "Azam Rwanda Premier League".

KWIZERA Pierre batazira Pierrot asanzwe akina hagati mu murwi wa Rayon Sport yahawe ibahasha y’amafaranga umuriyoni w’amanyarwanda.

Uwundi yahawe agashimwe, ni Massoud Djuma Irambona, umumenyereza w’umurwi Rayon Sport nawe ava mu gihugu c’Uburundi, yahawe ibihumbi 750 vy’amanyarwanda, inyuma yo gutahukana igikombe c’umwaka mw’ihiganwa.

Mu rukino rwa kivandimwe rwahuje umurwi Rayon Sport na Azam FC wo mu gihugu ca Tanzaniya, umurwi Rayon Sport watsinze ibitsindo 4 ku bitsindo bibiri vya Azam, mu bitsindo vya Rayon Sport harimwo kimwe ca Kwizera Pierre batazira Pierrot.

KWIZERA Pierrot atahukanye agashimwe k’umukinyi yigenjeje neza mw’ihiganwa Azam Rwanda Premier League, ku ncuro igira kabiri, mu myaka ibiri ikurikirana.


Kumenyekanisha

1
Barutwanayo 4-08-2017 à 12:31

umurumdi Wac Piero Tumwifurije Guteqa Imbere Nkumuzinga.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha