Umukuru w’igihugu yagenye abagize umurwi wo gukinga no kurwanya ihonyabwoko

Yanditswe na MUGISHA Van Naris
Kuya 3 janvier 2018 saa 09:24
Yasomwe : 10899
0 0

Umukuru w’igihugu yagenye Jean de Dieu MUTABAZI kuba umukuru w’umurwi ujejwe gukinga no kurwanya ihonyabwoko, amabi yo mu ntambara, n’ayandi mabi asinzikaza agateka ka zina muntu (Observatoire National pour la Prévention et l’Eradication du Génocide, des Crimes de Guerre et des Crimes contre l’Humanité).

Jean de Dieu MUTABAZI yahora arongoye ikigo kijejwe guteza imbere igisata c’ikawa mu Burundi ARFIC, yagenywe n’itegeko ry’umukuru w’igihugu ryo kuwa 29 Kigarama 2017.

Abandi bagize uwo murwi ni Joseph SINABWITEYE yagenywe kuba icegera c’umukuru warwo, hamwe na Emerance BUCUMI yagenywe kuba umunyamabanga mukuru w’urwego.

Ishirwaho ry’uwo murwi ryemejwe n’inama nkenguzamateka kw’igenekerezo rya 29 Myandagaro 2017, mu nteguro y’itegeko yagiye gusigurwa n’umushikiranganji w’intwaro yo hagati mu gihugu Pascal BARANDAGIYE.

Umushikiranganji BARANDAGIYE yasiguye ko mu bikorwa vy’uwo murwi, harimwo ukwerekana ivyokorwa kugira ihonyabwoko ntirizobe mu Burundi, avuga kandi ko mu gihe vyokwemezwa ko iryo honyabwoko ryakozwe muri kahise, hazoshirwaho ingingo z’ukugarukira ku bakozweko n’ako kabi.

Yavuze kandi ko uwo murwi uzoterera ivyiyumviro kuri ivyo vyose, abawugize baheze berekane poritike irashe yerekana ingene ihonyabwoko hamwe n’ivyaha vyo mu ntambara vyotuzwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha